Andramaro dživipen, dithol baro pharipen.
Nane aso thanoro, kaj thodomas miro šeroro.
O divesa sik predinen, sar amen o Roma
Dživaha andakaso vilago ?
Phral , phrale naštik preko dikhel.
Phen pira phena. Ši na phiras ke tute savore tut
Devla te mangen?
Dik pre amare čhavore, De len sastipen.
Le lačhe manušen baro kamiben.
Kaj te ovel feder prada baro vilago.
Te nadikhas čak o dukha , pre amare phrala.
Mek ovas sar viraga andri piri saga.
Meg buter hin amen so te den le savoren manušen.
Nakamas čak te keden, čak te mangerkeren.
Sako jek mek dikhel andre peste. Šaj del
andal piro jilo.
Naštik rušas ekhethane pre amende o Roma.
Si nane but droma so kamende aven?
O phure Roma so ma mule hine bare roven.
I phen při phen rušel, o phral pro phral biskerda.
Phučen mandar, ko hin mro phral?
Ši savore nasjam phrala?
Savore sjam phrala, phena, jek čhib, jek jilo.
Ada hin o čačipen, šunes man Devla miro?
