Blog

,,Denaš varekaj imar andralo oda hadžos! Manuš imar adaj našťi ňi dikhel pre televizija
u smirom peske vareso the pre danderel ňi našťi! Furt čak tiro chrapipen – mosardo
soviben šunava?“ Diňa pes kale lavenca te šunel čak dešušov beršengeri čhaj, pro peskero
dat Nikolas, savo nane čačipnastar lakero u savo avľa andral buťi ajso cirdo avri palo deš
šušov ovri, kaj nadžnales ňi o jakha the phundravel. Pal akada vakeriben peske e choľarďi
čhajori hazďa peskeri buj khataro sejkos u mejk choladeres odgejľa andre tavutňi soba,
kaj andre peste ispidelas tortica. O Nikolas zachudľa kaneha čak agorutne lava lakere
hangostar: ,,Me bisto mušinďom the avel but nalačhi andro dživipen prejkal akada savo
dživav. The dživel Romeha andro jekh kher khetanes, hi vašoda kaj somas bibacht“! O
Nikolas pro deš perci phundraďa o jakha u pal pale zasuďa, zorale sovibnaha, numa na
bud joj suťa. Pal pale les ušaďa džungalo hangos, akada sas akana imar hangos leskeri
romňatar te khatare sasťu. ,,Imar pal pale soves Niko?“ Akana imar o Nikolas nabirinďa
avri buteder, ušťla upre a peskera romňake rakinďa akala lava. ,,Na san bachtale vaš oda
kaj kerav sako jekh buťi, čak vašoda kaj šukares the dživen, kaj amen the ejl so pre astala
the thovel?“ ,,U so hi les pro oda mamo, či sam vaj na sam bachtale?“ Pal pale visarďa
leskere lava e naj čačikaňi čhajori u dikhla pre peskeri daj, pre Nikolaskeri romňi, pre Eva,
u užarelas latar pri rakindo lav. O Nikolas lake diňa lava. ,,Sikľav peskera čhajora, kaj ke
mande the rakinel čepo paťiv, namušinel man joj the kamel, vašoda kaj na som lakero
čačikano dat, numa šaj pes thovel ke mande sar ko manuš.“! Leskeri romňi, nakerďa
vakeriben pale e paťiv peskera čhajoraha, no phenďa pal pale leske ,,U nane la čačipen
Niko? Zarodes sar ajso žobrakos, me sem čačikaňi andro dživipen“! O Niko nakamelas the
paťal oleske so šunďa pre peskere kana, u leskero pharipen pes visarďa pro dukh, u kala
dukhatar pes uľine kala lava,, Me gindinavas, kaj tu te me, romňi miri sam famiľija. ,,Sam
khetane imar trin berša! Nasas man ňikana ajso manuš pašes ke miro jilo sar sal tu, bares
tut kamav! U tira čhajora kamav tiž!“ Te joj avelas bi miri, čačikaňi čhajori avas bi pre late
buteder zoraleder sar dat, kaj the džanel so hi o da paťiv. Soske sal akana kajsi sar
zafaďinďi?“ E Eva ačhija bijo lavoro. Pro deš perci peske o Nikolas gindinelas, kaj chudľa
joj goďi u džanle kaj si o čačipen. Numa sas oda savoro pre aver rig, pal soste džanas kala
lakere lava, numa či sas len varesavo goďaveripen. ,,Som čak ajsi romňori u avka me pre
akada savoro dikhav. So tu peske gindines? Tu sal čak murš! Miri čhajori the miri famiľija
avena furt sako ideos pro eršejňipen andre miro dživipen, achaľos?“ O Niko čak kerďa le
šereha u naachajolas soske akada phenďa. U phučľa latar: „Sako džanel kaj la dajake si
furt eršejno o čhavoro, numa the latar me kamav kaj mange the sikhavel cikňi paťiv kaj si
oda rosno u me sem vašoda ke tute buteder sar joj“!
O Nikolas pajk odgejla phare jileha pro busos andro pašeder foros, kaj les užarelas leskeri
buťi kaj avela calo kurko. Andro šero leske khelelnas bud džungale gindura – ľubipen
leskera romňatar. Leskere gindura rozpharaďa o hangos khataro busoskero šofejris:
„Savore avri!“ O Nikolas či džanďa sar leske denšťa o ideos pro drom. Sar do avľa andre buťi
phende leske kaj nane prejkaleste buťori, vašoda bešľa pro busos savo les lidželas pale
khere. Sas les pre akada drom ajso bilačhipen andre voďi thaj jilo. Avka sar kana džanes
kaj našaves savoren olen saven nek barederes kames.
O Nikolas phundraďa u vudar ke peskero kher, džalas garadičenca upre ke peskeri soba,
durkinďa pro vudar. Phundraďa leske varesavo murš, leske naprindžarde mujeha, ajso
blonďakos, diliňi pofaha, u urdo sas čak andre gaťa. O Nikolas peske dumunďa, kaj gejla
andro na peskero kher u durkinďa pro nalačho vudar. Prejkal leskero dumo čhiďa peskere
jakha a u paj leske savoro do avľa andro šero. „Vičin mange mira romňa!“ Phenďa zorale
hangoha o Nikolas naprindžarde muršeske. E Eva daralas the avel ko vudar, vašoda leske
o Nikolas diňa vast pro serus, joj užarelas varesavo maripen, no phenďa leske kaj si baro
murš u mangelas leske bud bacht vašoda kaj suťa leskera romňaha u pal akada gejla adre
soba pale Eva. E Eva pes ladžalas the dikhel leske andro jakha. O Nikolas andro peskero
pharipen, the žaja našťi andrala muj mukľa aver lava čak vičinďa romanes: ,,Tu ľubňije“.
Visarďa pes lake dumeha u odgejla. Sas bud bachtalo, kaj peskera romňa kavka chudľa
pro ľubipen. ,,E džuvľi khataro rukono del, akor o rukono čak lel“! u akadi miri romňi si ľubňi,
kamavas la bares jilestar, paťav kaj aveľa ďives hoj pre late me bisterava! Pre akada savoro
o Nikolas gindinelas sako ideos. Denašťa varekeci kurke u o Niko dživelas čak čučes, ďives
pal ďiveseste. Na sas les ňisavi famiľija. Na sas les ňi kher, vašoda kaj o kher sas la Evakero.
Sako ďivesa čak avka čavarginelas u phirelas upre tele palo droma, pro ulica. Pijelas, the
thuvale cirdelas varesave ajse manušenca save sne sar joj, bijalo kher, bijale famiľija,
leskero chaben sas čak phabengeri moľ u špaki thuvakerengere. O Niko na sas ajso bi
zorakero našado murš, narovelas kaj les nane kher. Oda na sas vašoda kaj les na sas kaj
the thovel peskero šero. Sas oda čak vašoda kaj les na sas vaš kaste the dživel, u sas les but,
but baro romano jilo korkoro prejkal peste sas čačo but, but baro.