Daranďom,
Pre mande pejla kothor zejgostar so Nadžanav, na prindžarav
Bijo hangos, palalur
Imar.
Kikinďa miri voďi,
O jilo ispinďa avri,
Avka kaj perďa avri miro deštostar baroro.
Telo čanga.
Avka man oda zadukhanďa,
kaj ačhiľol sar oda bar.
Telo čanga,
Sar oda partos barestar,
so rovel u nadžanel soske.
Bijo manušakero bachtaľipen,
sar papiris saveha balvajori khelel sar kamel,
Bijo biphandlipen mira voďakeri
The ačel čak avka the pašľol
Pro varesavo keriben, vareso irindo peskero the genel
Oda kaske, nane importatno.
Le papuske, čhavoreske, peskera romňake…
U jilo mange čujol
u našaďa pes andre jarkica,
imar les me naarakhava andre late ňikana.
Sar les me šaj chudav ?
Vasteha, hm, jakhenca, oleha kaj Bares kamav ?
Paťivibnaha ?
Sar šaj kerav kamiben,
Bijo jilo ?
Sar bije voďi, savi hiňi avri čhiďi pro meripen.
Ole partoske barendar!
Imar čila narakinav pre goďi,
Kana asaviben diňom mujestar.
Imar čila nadžanav, kana sas man smirom pro jakha, vušta.
Imar ňi nadžanav,
sar savo iribnaskero geňipen andro vasta me chudav…
