Ciknoro irišagos pre tiro deštos
čerinel miro dikhiben kamas les the genel,
no čak baro ačhel pre akada binos.
Anglal, či palalur genava tut vastenca, šun,
čak mire burňikenca ke tiro šukar muj.
Phenav čačo lav, kaj nakamľom the kerel akada.
Nek cikneder anguštneha
savoro so pro lava irinelas pes žužarďom,
no čačes nakamľom.
Imar našukar šunav giľavipen tiro deštostar,
kamavas čak the genel tire čanga,
vastestendar te mujestar.
Sar papiris pal papiris visarav andre tute
anglal, či palalur, sar oda čačikanes sas,
phenav tuke.
Lovkes, numa čačes
zaučharďom parneha oda, so sas irindo.
Či džanav kana phenes he u kana na tu dilino!
Imar sako jekh sera si žužarďi,
u tu nasal imar irniďi.
Raťi kerďa parňiben pro tosariben u tu džas,
či džanav kaj, miro vast tiro iriben mosarďa.
Ciknoro irišagos pre tiro deštos
čerinel miro dihkiben
kamas les the genel,
no čak baro keďom binos.
Anglal, či palalur genava tut vastenca.
Čumibnaha rozmarďom savoro mire vuštenca.
Sar me tut the genav,
sar ke akada pes the ačhav,
kaj tira voďake pharipen the nakerav?
Imar našukar šunav giľavipen tiro deštostar,
kamavas čak the genel tire čanga,
vastendar te mujestar.
Sar papiris pal papiris visarav andre tute
anglal, či palalur,
sar oda čačikanes sas, phenav tuke.
Lovkes, numa čačes zaučharďom parneha oda so sas irindo.
Lovkes, numa čačes zaučharďom parneha oda so sas irindo.
Či džanav kana phenes he u kana na, tu dilino!
Imar sako jekh sera khatro papiris si čuči.
Raťi kerďa parňiben pro tosara, u tu džas,
či džanav kaj, miro vast tiro iriben mosarďa.
Imar našukar šunav giľavipen tiro deštostar,
kamavas čak the genel tire čanga, vastendar te mujestar.
