Blog

The vakerel kaj amaro nipos andro jakha gadžikane nakerel bilačhipen
baro binos si diliňipen, chochavipen.
Bud berša sar kale graja denašne andro vramakero našaviben, manuš,
manušes naprindžarďa pal ezera berša jilestar,
džungale lava mukľa vuštendar save kerde dhukhaviben.
E televizija sako ďives palo Roma vakrel,
no khanči lačho lavoro pro kana naperel.
Pro internetos genes lava so sar čhuri andre tiri voďi marel,
u ratestar apsa e jak rovel.
O Roma peske keren bašavibena.
Jagora andro tabora imar čak labon kaštestar savo čorde vešestar.
O čhavoro ciknoro, the vakerel mejk nadžanel
no tu džanes kana pre tute peskere jakhora visarel hoj phučel,
soske ujiľom pre akadi phuvori,
dadoro, dajori?
Hi man suno, kaj manuš, manušes pro drom arakhela.
Hi man suno, kaj čačipnastar pes lava andralo halgatova visarena.