Blog

Ko avľa andre Afrika u kerďa peske kale manušendar otroken?
Sas oda o parno murš.
Ko avľa andre Amerika u murdarkerďa avri le Indianen?
Sas oda o parno murš.
Ko avľa andre sentňi phuv u bara čhuraha pro šero
olen save napaťanas Devleske diňa vera andro lav palo o Kristos?
Sas oda o parno murš.
Ko kerďa duj lumakere maribena?
Sas oda o parno murš.
Ko šaj kerel oda kaj narado jilestar dikhela parne manušen?
Čak vareko ko hi dilineder sar nek dilono.
Manuš pro manuš kerel chuľajipen pre peskero mosaripen,
čak o Dejl džanel the visarel akada pale moda zoralipen.
Parňi barva kerďa bud baro nalačhiben
numa kampel les jekhes the dikhel, na la barva.
Si oda jov, the joj save hine sar jekh čapata buteder,
ola save keren luma manušibnastar cikneder,
love si prejkal lende sar o manušakero dživipen furt čak buteder.
Joj savore, pre lengere vasta šuťarde hi asva the rat.
Bilačhibena pal oda so nabisterel e luma the the denašel o ideos,
nane len barvikano hangos, muj, deštos, nevos.