Blog

Baratos hi manuš, saveske šaj paťas,
baratos hi manuš saveske savoro šaj pro jilo rakinas.
Baratos hi manuš, džanel tuke the šegitinel,
vast peskero tuke naodcirdel u andro pharipen
tut ňikana korkores namukel.
Baratos si oda ko asva džanel the šuťarel,
lava pre voďi thovel manušakere.
Phenel, dukhal man tiro dukhaďipen,
čitrinel pro zejgos tiro asaviben.
Baratos si manuš savo hino pašes,
baratos savo phenel, som akadaj prejkal tute.
Baratos tut kamel ajso savo čačo sal,
rosno, vaj bijo binos tuha dromeha džal.
Hi manuš savo tuke vičinel,
na ča kana leske phenes, ke mande tu av.
Baratos tut namukel the bešel agor thaneske korkoro
avel pašeder ke tute u šukar pre tute čhivel lavoro.
The avel nek pašeder ko oda dujdo,
feder pes dživel the hi tut čačikano baratos.
Soske? Vašoda kaj baratipen si draganeder
sar pre luma aver savoro.