Blog

Barva tira morčakri bud hiňi
andro dživipen tiro bud barikaňi,
u te kana tu sal lačho manuš
aver pre tute kerel, diline lava, ruš.
Oda kaj sal aver, naačhel avka kaj na sal manuš,
našun bilačhe lava, phundrav peskero jilo, či sal čhaj a či murš.
Ňikas tu našun, dža pal peskero suno,
savorenge sikhav kaj sal manuš, lačho žužo.
Nane importantno sar savi nacija tut hin,
sal manuš sar sako aver, masestar, kokalendar
kada čačipen andro šero, voďi, peske avri čhiv lavendar.
Sikhav savorenge kaj so savoro džanes the kerel,
mar pes dživipnaha, te lestar buteder kames,
ňiso hijaba andro burňika tuke naperel.
Vareso sikhav pro dživipnaskero drom so andro ideos džal,
či Čiňanos, černochos, vaj amaro Rom sal.
U te vareso baro dochudeha,
oda nek bareder kheliben vaš tuke korkoreste avela.