Diňom ajso šukar sunoro,
imar thovav tumenge pal akada lavoro.
Diňom mange šukar sunoro,
kaj sajinav u dikhav čhavoro pal čhavoro.
Sajinav sar e Zvoňilka cikňori
u o Peter Raj sajinel ke miri jakhori.
Dikhav šukar, nekšukareder pajori,
but pre late baron viragi.
Lengeri biza si ajsi barikaňi,
saginel pal sako aver khotoreske lumori.
Pre akadi pajori, na čak baron viragi,
sas pre late bud čhavore.
Čhavore sako aver hino nacijatar,
sako jekh aver barva, morčatar, cipatar.
Denašenas jojn pal zejno pajoro,
ke bari kiki kerika.
Vičinenas, peske giľavenas
sar daraži andro peskero kheroro.
Parnore, šarge, lolore,
numa he kale cipatar.
Sne odoj but, but korkore,
akala čhavore lumatar savore.
Čak jekh lendar ačhel korkoro,
ajso bi asavibnaskero hi no asvenca začhordoro.
Vaš leskere barva cipatar,
nakamel the bavinel pes leha ňisavo čhavoro.
O Peter Raj numa pre kada ideos,
dikhel akadi seraha.
Odoj kaj e čhajori ačhel odoj korkori
u naachaľol soske si kajsi nalačhi lumori.
Soske čhavore sako jekh aver barva cipatar
keren kajso bilačhipena jekh avrestar?
The phučel pal akada šaj amen kastar,
amare dajendar.
O Peter Raj numa zorale hangoha vičinel:
„Nakamav imar the dikhel maškar tumende averipena!
Sam savore jekha lumakere čhavore,
luma amare dajakere!“
