MUNDARIPEN andre FONATOS

MUNDARIPEN andre FONATOS

Náne modo, nane modo, phenďa mange hoj džala adale fonatoha.

Mušinav the dhikel andre dujto kupé. Megin ništ.Nane adaj. Dhikav andre trito.

„Lačho ďives „. Parikerďom andre kepé pherdo manuša.

„Lačho, av beš tuke amenca“. Vyčhinel man maškar peste o murša te peske bešav. Dhikav hoj hin les lačhi voľa.Savoren hin lačhi voľa. Pijen peske vodka the lovina.

„Le pi tuke amenca“.

„Me nakamav, te pijel“.

„Soske? Sal nasvalo?“

„Na, hin man vareso pre buťi“.

„Čak jekh, okoštin“.

„No jekh šaj“.

„Pi avri, pre tiro sasťipen“.

Bešťom mange a piľom jekh. Phureder murš ľiľa avri e lavuta,dujto liľa e gitara a trito o saxafonos, the mukne tele o šukar bašaviben! Odava hin lačhi voľa! Andre dzeka, bisterďom

Vaš soske adaj som. Džav pale miri romni.Phirav la te sledinel.

Napaťav lake. Sa pes zmeňiňďa. Nakamel manca te sovel, furt vareso hin la, andali buťi phirel

domarďi, igen pes malinel a phiravel pes raňi!

Hin mange napaťangutano.

Te hin la aver murš- diliňovav! Naprelidžava odava šoha!

Ada džives džal dži pre Serviko, pre parušagos la sesternicake.

No me napaťav lake, chochavel.

Sar bašaven, avľe but manuša pre chodba te šunel. Mange čhorkeren e paľenka a me pijav. Imar nakondolinav pre nisoste. Pre chodba hin šukar čhaj , blonďakere balenca. Dhikel pre ma a me pre late. Kamv la te chudel, Ušťiľom a džav pre chodba. Chudel man vastestar.

Hin paš late phureder dežuľi, minďar mange phenel.

„Pacinek pes tuke? De pan šel a hin tiri“!

A imar džanav so dava! Minďar ačhiľom triezvo.

„Me nakamav“. Phenďom a kamav te džal het. E phuri romni man namukel.

„Dovakerava amen, dža de pan šel“.

„Me nakamav, romnije. Man hin odoj romni, džav pal late“. Phenav la ke oj našinel.

„Odava ovla jeg-duj“. Nadel mange smirom.

„Sal lačhi romni,ale me nakamav“! Imar andre mande choľi aľia.Dhikjom pre late nalačhe.

Džav het palo avre kupé. Som pre ma chojardo. Pijav čulo paľenka nadžanav so te kerel. Bisterav pre calo svetos. Pravkerav o sudara andre kupe. Nikhaj miri romni nane. Kamv te džal imar het, ale zašunďom romňakero hango. Rozkecav o sudara andre posledno kupe. Adaj miri romni!

Nane korkori. Pašiol pre sedačka a pre late o cudzo murš. Ačhiľom sar kaš! Našťik ani phudav.Dikľa man a phenel.

„Miro rom, mundarla man“.

O murš dikhel pre mande , phenel.

„Ada? Mangav tut!“

Andre mande ajsi choľi Avľa! Me džanav, hoj pre leste nane man zor. No zoroha čhinďom avri jekh operadlo, teli bloka. Bara zoraha les pekľom pre šero. Marav les, sar birinav. Peľa pre phuv. Me nahajinav, o rat leske andalo šero čujol. Mange jekh. Miri romni vriskinel. Urel pes.

„Muk, les, mug les mundareha le!“

Me nahajinav, marav les dureder.

„Muk les imar les mundarďal“. Miri romni les šunel pre jilo či phudel. Naphudel.

Imer les mukľom. Pašioľ pre phuv a nabhudel. Hino mulo. Andre mande Avľa e dar.

„Som zabijakos, som zabijakos“. Vičhinav igen zorale.

„Ušťi, so avka vičhines sar o pavijanos, so diliňos, vičhines sar pre veša“.

Uštavel man miri romni.

„Joj, te džanehas so dikjom suno! Kamvkerehas tut le muršeha a me odava dikhjom pre mire jaka!“

„Jekvar, tut mendarla tiro daravišago.Ušťi upre. Hin epaš pre panč. Džas andre buťi“!

Eliášová Irena