Phuri daj, phuv tumari, lakero šukhar muj
nasľala vaš tumenge maro te lel kathar.
Ando vodi romano, hi garudi lakeri šuk,
ando jilo romano, labol jak latar.
Naarakhľa ande peste vaš tumenge bach,
načulila latar moľakero rat.
Avka buter te buter barol o suno romenge,
ando jilo hi sar suv,
tovel len bukica andarodija kali phuv,
ando kale jakha le čavorenge diťhol – si len,
bariarde hi la phuviaha, kaj lengero dživipe uliľa,
odoj kaj dživdo phani dakere čučiendar pile,
kaj o bokhalo vodi lakera šukaha čalila.
Ki peste i daj phuv aver len priminďa sar i phen,
o doj pašľon lengere mule pre suneha,
suneha te arakhel jekhetane phuvakero šukaribe, la balvaľaha.
Kaj o dživipe lenge anel palek ando čhavore o terniphen.
Ov lenca rovela, laha i dukh oddžaľa,
o indicko oceano lenge i mel pal o pre nathovla.
Maťakerdi kerki snaga, andari India,
sungel angaro paramisa le phurikane keňvendar.
Balvaľakero hangaro peha len vyčinel ma šelto jeven.
Lengero astaribe hi sar fadime čumidiši,
vaš oda ačhile balvalakere, jaghorakere te kamibnaskere čhavore,
phiren upre – tele ando phurano pochtan le khelibnaha, te le diľenca.
Ando rat pe rozčhuľol sar pani baro,
andari burnik genen ari kamiben baro,
e phuv so len maro del, vičinen peskeriben,
lengero dživipen hi sar grastano našiben.
